CƏMİYYƏT


Qanunsuz qum daşıyanlar cəzalandırılıblar

Bakı, 19 iyun, AZƏRTAC 

Ekologiya və Təbii Sərvətlər Nazirliyinə Goradil qəsəbəsinin Xəzər sahili ərazisində qum daşınması ilə bağlı daxil olan şikayət yerində araşdırılıb.

Nazirliyin mətbuat xidmətindən AZƏRTAC-a bildiriblər ki, araşdırma zamanı gecə saatlarında Goradil bağlar massivinin Xəzər dənizi sahilində “KamAZ” markalı 01-CC-277 dövlət nömrə nişanlı yük maşınına qum yükləndiyi aşkarlanıb.

Faktla bağlı qanun pozucuları, Abşeron rayon sakinləri Səbuhi Qocayev və Əhməd Məmmədov barəsində protokol tərtib edilib və onlar 3 min 764 manat məbləğində cərimə olunublar.

Ərazinin nəzarətdə saxlanılması və qanunsuz qum daşınması hallarına yol verilməməsi üçün Binəqədi Rayon İcra Hakimiyyətinə və Polis İdarəsinə məktub göndərilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.