DÜNYA


Qazaxıstan Prezidenti “Sputnik V” peyvəndinin ikinci dozasını vurdurub

Nur-Sultan, 28 aprel, AZƏRTAC

Qazaxıstan Prezidenti Kasım-Jomart Tokayev koronavirus əleyhinə “Sputnik V” peyvəndinin ikinci dozasını vurdurub.

AZƏRTAC xəbər verir ki, ölkə başçısının rəsmi nümayəndəsi Berik Ualinin verdiyi məlumata görə, Qazaxıstan Prezidenti peyvənddən sonra özünü yaxşı hiss edir və hazırda işinin başındadır.

Prezident Qazaxıstanda vaksinasiya templərini azaltmamağı vacib sayır. Onun qənaətinə görə, bu, koronavirusu məğlub etmək, bütün məhdudiyyətləri aradan qaldırmaq və müntəzəm həyata qayıtmaq üçün yeganə imkandır.

Xatırladaq ki, Kasım-Jomart Tokayev “Sputnik V” vaksininin ilk dozasını aprelin 6-da vurdurub.

İlahə Əhmədova

AZƏRTAC-ın xüsusi müxbiri

Nur-Sultan 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.