İDMAN


“Qəbələ” ilk yoxlama oyununu keçirib

Bakı, 18 iyun, AZƏRTAC

“Qəbələ” futbol klubu yay hazırlıq dövründə ilk yoxlama matçına çıxıb.

AZƏRTAC xəbər verir, rəqib birinci divizionda yer alan “MOİK” komandası olub. “Bakı” klubunun təlim-məşq bazasında keçirilən görüş 1:1 hesablı heç-heçə ilə yekunlaşıb. İlk qolu ikinci hissənin əvvəllərində “hərbçilər”in oyunçusu Elmir Tağıyev vurub. Oyunun sonlarında isə Rauf Əliyev penaltidən yekun nəticəni müəyyənləşdirib.

“Qəbələ”nin yeni baş məşqçisi Sənan Qurbanov heyətdə hələ mövsümün gedişində komandaya azad agent kimi keçən Rauf Əliyevə, icarədən qayıdan futbolçulara da yer verib. Əvəzində yeni transfer Sabien Liray matçı tribunadan izləyib. S.Qurbanov “qırmızı-qaralar”a yeni qoşulan Liraya istirahət verib. Eyni zamanda Azərbaycan millisinin düşərgəsində olmuş Cavid Hüseynov, Təmkin Xəlilzadə, İlqar Qurbanov və Ürfan Abbasov meydana çıxmayıb. Onlar bu gün “Qəbələ”nin düşərgəsinə gələrək, iyunun 20-də Sloveniyaya toplanışa yola düşəcək heyətdə olacaqlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.