REGİONLAR


Qubadlının Xanlıq kəndində düşmənin basdırdığı mina və hərbi sursatlar zərərsizləşdirilib

Qubadlı, 29 aprel, Aydın Yavərzadə, AZƏRTAC

Erməni işğalından azad edilmiş Qubadlı rayonunun Xanlıq kəndi ərazisində düşmənin basdırdığı mina və hərbi sursatlar zərərsizləşdirilib.

AZƏRTAC-ın bölgə müxbiri xəbər verir ki, Azərbaycan Respublikasının Minatəmizləmə Agentliyinin (ANAMA) əməkdaşları tank əleyhinə 8 ədəd, piyada əleyhinə 2 ədəd mina, tank əleyhinə minanın 6 ədəd partladıcısı, eləcə də 47 ədəd partlamamış müxtəlif mərmi və raket, 152 ədəd xırdaçaplı sursatı partlatma yolu ilə zərərsizləşdiriblər.

Qeyd edək ki, ANAMA-nın təşkilatçılığı ilə bir qrup media əməkdaşının Zəngilan və Qubadlı rayonlarına növbəti səfəri təşkil olunub. Səfərin məqsədi erməni işğalından azad edilmiş yaşayış məntəqələrinin mina və partlamamış hərbi sursatlardan təmizlənməsi prosesi ilə tanış olmaqdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.