CƏMİYYƏT


Respublika Seysmoloji Xidmət Mərkəzinin nümayəndə heyəti Tbilisidə keçirilən iclasda iştirak edib

Bakı, 1 oktyabr, AZƏRTAC 

Tbilisidə “Qafqazda və Mərkəzi Asiyada seysmik şəbəkələrin genişləndirilməsi” layihəsinə həsr olunan iclas keçirilib. İclasda ölkəmizi Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin baş direktoru, akademiyanın müxbir üzvü Qurban Yetirmişli, mərkəzin baş mühəndisi Rauf Muradov və sistem administratoru Ruqiyyə Kərimova təmsil ediblər.

Mərkəzin informasiya şöbəsindən AZƏRTAC-a bildiriblər ki, konfransda ABŞ, Tacikistan, Qazaxıstan, Qırğızıstan, Türkmənistanın aparıcı seysmoloqlarının təqdimatları dinlənilib. Həmçinin məlumatların qəbul edilməsi və ötürülməsi, seysmik stansiyaların monitorinqi və saxlanması, seysmik şəbəkələrin genişləndirilməsi məsələləri müzakirə olunub.

Konfransda Q.Yetirmişli “Azərbaycanın seysmik şəbəkəsinin müasirləşdirilməsi” hesabatı ilə çıxış edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.