DÜNYA


Rusiya və Türkmənistan arasında VI Xəzər Sammitinə hazırlıq məsələləri müzakirə edilib

Rusiya və Türkmənistan arasında VI Xəzər Sammitinə hazırlıq məsələləri müzakirə edilib

Aşqabad, 18 fevral, AZƏRTAC

Rusiya və Türkmənistan xarici işlər nazirləri Sergey Lavrov və Rəşid Meredov bu il keçiriləcək VI Xəzər Sammitə hazırlıq məsələlərini müzakirə ediblər.

AZƏRTAC xəbər verir ki, telefon danışığı zamanı tərəflər ikitərəfli münasibətlərin aktual istiqamətlərini müzakirə ediblər.

Türkmənistanda cari il oktyabr və noyabr aylarında Xəzəryanı dövlətlərin başçılarının VI Zirvə görüşü və İqtisadi Əməkdaşlıq Təşkilatına (İƏT) üzv dövlətlərin başçılarının 15-ci yüksək səviyyəli görüşü keçiriləcək.

Qeyd edək ki, Türkmənistan ikinci dəfə Xəzəryanı dövlətlərin başçılarının sammitini keçirməyə hazırlaşır. 2018-ci il avqustun 12-də Aktauda (Qazaxıstan) keçirilən son görüşdə Azərbaycan, İran, Qazaxıstan, Rusiya və Türkmənistan liderləri Xəzər dənizinin hüquqi statusu haqqında Konvensiya imzalayıblar.

İlahə Əhmədova

AZƏRTAC-ın xüsusi müxbiri

Aşqabad

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.