REGİONLAR


Sahib Muradov: Yüksək məhsuldarlıq əldə etmək üçün keyfiyyətli toxuma üstünlük verilməlidir

Kənd Təsərrüfatı Nazirliyi ilə AZƏRTAC-ın birgə layihəsi: “Fermerlərə tövsiyə”

Lənkəran, 5 noyabr, Bağır Əliyev, AZƏRTAC

Fermerlər, məhsul istehsalçıları yüksək məhsuldarlıq əldə etmək üçün keyfiyyətli toxuma üstünlük verməlidirlər. Çünki keyfiyyətli toxum yüksək məhsuldarlığın əsas şərtidir. Toxumların səpin və əkin keyfiyyətinin kondisiyalılığı toxumlardan götürülən nümunələrin müayinəsindən sonra müəyyən olunur.

Bu sözləri AZƏRTAC-ın bölgə müxbirinə müsahibəsində Kənd Təsərrüfatı Nazirliyi yanında Bitki Sortlarının Qeydiyyatı və Toxum Nəzarəti üzrə Dövlət Xidmətinin Lənkəran Regional Toxum Sertifikatlaşdırma Mərkəzinin müdiri Sahib Muradov söyləyib.

Regional Mərkəzin əsas fəaliyyət istiqamətləri barədə məlumat verən S.Muradov deyib: “Müasir avadanlıqlarla təmin olunan Mərkəzimiz Astara, Lənkəran, Lerik, Yardımlı və Masallı rayonlarında fəaliyyət göstərən dövlət və özəl toxumçuluq təsərrüfatlarının istehsal etdiyi toxum və tinglik əkin sahələrinin aprobasiyasını və sertifikatlaşdırılmasını təmin edir. Əməkdaşlarımız Kənd Təsərrüfatı Nazirliyi və BMT-nin Kənd Təsərrüfatı və Ərzaq Təşkilatı (FAO) ilə birgə təşkil etdiyi Azərbaycanda Toxumçuluq Sektorunun inkişafına dəstək layihəsi çərçivəsində keçirilən tədbirlərdə iştirak edərək təcrübə toplayıblar. Onlar dövlət və özəl toxumçuluq təsərrüfatlarında istehsal olunan və kondisiyaya çatdırılmış toxumlardan nümunələr götürərək müayinə edirlər. Mərkəzin rayonlar üzrə baş aqronomları toxumçuluq təsərrüfatlarında becərilən toxumluq bitkilərin yetişdirilməsindən yığım başa çatanadək, yığımdan sonra isə toxumların kondisiyaya çatdırılmasınadək fermerlərin yanındadırlar və onlara lazımi məsləhətlər verirlər”.

Sahib Muradov fermerləri, məhsul istehsalçılarını əkin qabağı toxumlarını analizdən keçirməyə çağıraraq bildirib ki, Mərkəzin aqronomları bu istiqamətdə onlara hər cür kömək etməyə hazırdırlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.