REGİONLAR


Sahibkarlar kənd təsərrüfatı sahəsində həyata keçirilən layihələr barədə məlumatlandırılıb

Bakı, 25 fevral, AZƏRTAC

Kiçik və Orta Biznesin İnkişafı Agentliyinin (KOBİA) dəstəyi ilə dövlət-sahibkar əməkdaşlığı platforması çərçivəsində növbəti görüş Astara rayonunda kənd təsərrüfatı məhsullarının istehsalı sahəsində fəaliyyət göstərən sahibkarların iştirakı ilə təşkil olunub.

KOBİA-dan AZƏRTAC-a bildirilib ki, görüşdə Astara Rayon İcra Hakimiyyətinin, Sahibkarlığın İnkişafı Fondunun, Astara Dövlət Aqrar İnkişaf Mərkəzinin, agentliyin Lənkəran KOB İnkişaf Mərkəzinin və maliyyə qurumlarının nümayəndələri, eləcə də rayonda fəaliyyət göstərən 30-a yaxın sahibkarlıq subyekti iştirak edib. Tədbir çərçivəsində aidiyyəti dövlət qurumlarının nümayəndələri sahibkarları kənd təsərrüfatı sahəsində ölkədə həyata keçirilən və hazırda davam edən layihələr, eləcə də bu sahədə mövcud qanunvericilik, dövlət dəstəyi tədbirləri barədə məlumatlandırıb. Görüşdə sahibkarların qarşılaşdıqları çətinliklər, maliyyə resurslarına çıxış, torpaq sənədlərinin rəsmiləşdirilməsi və sair istiqamətlərdə müzakirələr aparılıb, təkliflər dinlənilib və iştirakçıları maraqlandıran suallar cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.