Səhər saatlarında Laçın istiqamətinə gedən BQXK-nın avtomobilləri geri dönüb

Şuşa, 6 fevral, Elmir Səftərov, AZƏRTAC

Ekoaksiyanın iştirakçıları fevralın 6-də səhər saatlarında Beynəlxalq Qırmızı Xaç Komitəsinə (BQXK) məxsus avtomobillərin Xankəndidən Laçın istiqamətinə maneəsiz keçidinə şərait yaratmışdılar.

AZƏRTAC xəbər verir ki, bu dəqiqələrdə Laçın istiqamətindən gələn BQXK-ya məxsus altı minik avtomobilinin aksiya keçirilən ərazidən geriyə - Xankəndiyə doğru hərəkəti təmin olunub.

Bu, bir daha onu göstərir ki, aksiya iştirakçıları humanitar məqsədlərlə istifadə olunan avtomobillərin hərəkətinə heç bir maneə törətmirlər. Ermənistan mətbuatında yayılan və etirazçıların guya Xankəndi-Laçın yolunu bağladıqları və təminat avtomobillərini buraxmadıqları ilə bağlı xəbərlər qarşı tərəfin növbəti dezinformasiyasıdır.