İQTİSADİYYAT


Sənaye müəssisələrində qənaətli istehsal üsulları təşviq olunur

Bakı, 28 dekabr, AZƏRTAC

Sənaye müəssisələrində qənaətli istehsal üsulları təşviq olunur.

AZƏRTAC xəbər verir ki, bu barədə iqtisadiyyat nazirinin müavini Niyazi Səfərov dekabrın 28-də İqtisadiyyat Nazirliyinin dəstəyi, İqtisadi İslahatlar Elmi-Tədqiqat İnstitutunun və "ATEF" Şirkətlər Qrupunun təşkilatçılığı ilə "Qənaətli istehsal üsullarına əsaslanan model müəssisə" mövzusunda keçirilən konfransda deyib.

Azərbaycan Respublikasında ağır sənaye və maşınqayırmanın inkişafına dair Strateji Yol Xəritəsində müəyyən edilmiş tədbirlərin icrasına həsr olunan konfransda sahibkarlar və mütəxəssislər iştirak edib.

İqtisadiyyat nazirinin müavini Niyazi Səfərov dövlət başçısının rəhbərliyi ilə həyata keçirilən uğurlu sənayeləşmə siyasəti nəticəsində son illərdə müasir texnologiyalara əsaslanan sənaye müəssisələrinin fəaliyyətə başladığını və ixrac potensialının yüksəldiyini qeyd edib. Bildirilib ki, bu sahədə müvafiq tədqiqatlar aparılır, "Qənaətli istehsal metodlarını tətbiq etməklə model müəssisənin yaradılması" metodologiyası hazırlanıb və sənayeyönümlü müəssisələrdə sorğu aparılıb. Tədbirdə bu sorğuların nəticəsinə əsasən, energetika sənayesinin dəstəklənməsi üzrə müasir texnologiya və qənaətli istehsal metodlarının tətbiqi ilə fərqlənən "ATEF" Şirkətlər Qrupunun model müəssisə olduğu elan edilib.

N.Səfərov, həmçinin Azərbaycanda ağır sənaye və maşınqayırmanın inkişafına, özəl investisiya əsasında model müəssisənin yaradılmasının dəstəklənməsinə dair Strateji Yol Xəritəsində 2017-2020-ci illər üzrə əsas götürülmüş hədəflər üzrə görülmüş işlərdən və 2018-ci ildə bu istiqamətdə görüləcək tədbirlərdən bəhs edib.

Konfransda "ATEF" Şirkətlər Qrupunun idarə heyətinin sədr müavini Nadir Kərimov iştirakçılara şirkətin fəaliyyəti, İqtisadi İslahatlar Elmi-Tədqiqat İnstitutunun direktoru Vilayət Vəliyev qənaətli istehsal üsulları, institutun direktor müavini Arzu Hüseynova qənaətli model müəssisə, İqtisadiyyat Nazirliyinin sənaye şöbəsinin müdir müavini Fikrət Qurbanov model müəssisənin stimullaşdırılması mövzularında təqdimatlarla çıxış ediblər.

Tədbirdə sahibkarları maraqlandıran suallar cavablandırılıb və onların təklifləri müzakirə edilib. İştirakçılara "ATEF" Şirkətlər Qrupunun fəaliyyət istiqamətlərini əks etdirən kitabçalar təqdim olunub.

Sonda iştirakçılar "ATEF"ə daxil olan zavodların fəaliyyəti ilə tanış olublar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.