CƏMİYYƏT


Şərq Tərəfdaşlığının altı ölkəsində gənc Avropa səfirlərinin sayına görə Azərbaycan birinci yerdədir

Bakı, 5 oktyabr, AZƏRTAC

Şərq Tərəfdaşlığının altı ölkəsində cəmi 492 gənc Avropa səfiri var. Bu siyahıda 123 gənc səfirlə təmsil olunan Azərbaycan birincidir. Avropa İttifaqının (Aİ) Azərbaycandakı Nümayəndəliyi “Avropa Gənclər İli” çərçivəsində Avropa şəhərciyi, Avropa yay məktəbi, Aİ Gənclər yarışması, Avropada Təhsil sərgisi olmaqla bir sıra tədbirləri dəstəkləyib.

AZƏRTAC xəbər verir ki, bu sözləri Avropa İttifaqının ölkəmizdəki nümayəndəliyinin rəhbəri, səfir Peter Mixalko oktyabrın 5-də keçirilən mətbuat konfransında söyləyib.

Səfir, həmçinin qeyd edib ki, Avropa İttifaqı ölkələri biznesə başlamaq, yeni bacarıqlar əldə etmək, təlim keçmək, "Erazmus+" proqramı vasitəsilə Avropada təhsilin səviyyəsini artırmaq məqsədilə gəncləri dəstəkləməkdə davam edir. Peter Mixalko, eyni zamanda, COVID-19 pandemiyası dövründə tibb sahəsində gənc peşəkarların səhiyyədə yaşanan böhranla mübarizə aparmaları və Avropa İttifaqının maliyyə dəstəyi ilə həyata keçirilən vaksinasiya proqramının dəstəklənməsinə qatılmaları kimi səylərinin əhəmiyyətini də vurğulayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.