DÜNYA


Səudiyyə Ərəbistanı neft satışı üzrə hesablaşmalarda dollardan istifadəyə davam edir

Qahirə, 8 aprel, AZƏRTAC

Səudiyyə Ərəbistanının energetika, sənaye və təbii ehtiyatlar naziri Xalid Əl Falih bəyan edib ki, Səudiyyə Ərəbistanı neft satışı üzrə hesablaşmalarda dollardan istifadəyə davam edir və bu məsələdə heç bir dəyişiklik yoxdur.

AZƏRTAC xəbər verir ki, KİV-in Səudiyyə Ərəbistanının neft satışı zamanı hesablaşmalarda dollardan imtina edəcəyi barədə sualını cavablandıran nazir deyib: “Əlbəttə, bizim həmişəki siyasətimizdə heç bir dəyişiklik yoxdur”.

Qeyd edək ki, ötən həftə Krallığın energetika siyasəti ilə yaxından maraqlanan üç mənbə Reuters agentliyinə bəyan etmişdi ki, guya Səudiyyə Ərəbistanı Birləşmiş Ştatlarda OPEC təşkilatını antimonopoliya qanununa tabe etdirən qanun layihəsinin qəbul ediləcəyi təqdirdə hesablaşmaları başqa valyutalarla aparacağını bildirib və Vaşinqtonu təhdid edib.

Bildirilir ki, NOPEC adlanan (No Oyl Producing and Exporting Cartels Act) qanun layihəsi ABŞ hökumətinə OPEC-in ayrı-ayrı üzvlərinə qarşı antimonopoliya iddiaları qaldırmağa, həmçinin Amerika məhkəmələrinə bu iddialara baxmağa hüquqi zəmin yaradacaq.

Asya Hacızadə

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.