“Təhsildə XXI əsr bacarıqları” mövzusunda dəyirmi masa keçiriləcək

Bakı, 16 iyun, AZƏRTAC

İyunun 17-də XXI Əsr Beynəlxalq Təhsil və İnnovasiya Mərkəzinin təşkilatçılığı, “T-Network” platformasının tərəfdaşlığı ilə “Təhsildə XXI əsr bacarıqları” mövzusunda dəyirmi masa keçiriləcək.

Bu barədə AZƏRTAC-a “T-Network”-dan məlumat verilib. Bildirilib ki, tədbirin məqsədi təhsildə XXI əsr bacarıqlarının əhəmiyyətini müzakirə etmək, bu istiqamətdə perspektivləri və inkişaf tendensiyalarını nəzərdən keçirməkdir.

Müzakirədə Təhsil Nazirliyinin rəsmi şəxsləri, ictimai xadimlər, təhsil mütəxəssisləri, məktəb direktorları və digər şəxslər iştirak edəcəklər.