ELM VƏ TƏHSİL
Texniki Universitetin Elmi şurasının növbəti iclası keçirilib
Bakı, 29 yanvar, AZƏRTAC
Azərbaycan Texniki Universitetinin (AzTU) Elmi şurasının növbəti iclası keçirilib.
AzTU-dan AZƏRTAC-a bildirilib ki, iclasda 2021/2022-ci tədris ilinin qış imtahan sessiyasının cari vəziyyəti və yaz semestrinə hazırlıqla bağlı müzakirələr aparılıb. Qeyd olunub ki, növbəti semestrdə müəllimlərin fəaliyyəti ilə bağlı qiymətləndirmə aparılacaq. Bu da tədrisin keyfiyyətinin yüksəlməsinə müsbət təsirini göstərəcək.
AzTU-da yeni yaradılan Kitabxana-İnformasiya Mərkəzinin (KİM) direktoru Xəyalə Hacıyeva mərkəzin əsasnaməsi ilə bağlı təqdimatla çıxış edib. Daha sonra KİM-in əsasnaməsi müzakirə olunaraq qəbul edilib.
İclasda cari məsələlərə də baxılıb.