İDMAN


Türkiyə Superliqası: “Fənərbağça” İstanbul derbisini iki cavabsız qolla qazanıb

Bakı, 25 yanvar, AZƏRTAC

Yanvarın 25-də Türkiyə Superliqasının XIX turunda İstanbul derbisi keçirilib.

AZƏRTAC xəbər verir ki, “Ülker” stadionunda keçirilən oyunda “Fənərbağça” “Başakşəhər”i qəbul edib və rəqibinə iki cavabsız qolla qalib gəlib - 2:0. Görüşdə qolları Maks Kruze (72) və Vedat Muriç (86) vurublar.

Günün digər qarşılaşmalarında “Alanyaspor” səfərdə “Kasımpaşa”nı 2:1 hesabı ilə məğlub edib. “Kayserispor” – “Antalyaspor” görüşündə isə qalib müəyyənləşməyib - 1:1.

Turun digər görüşləri yanvarın 26-27-də keçiriləcək.

Hazırda turnir cədvəlində “Sivasspor” klubu 40 xalla vahid liderdir. “Fənərbağça” 37 xalla ikinci, “Başakşəhər” 36 xalla üçüncüdür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.