AZƏRTAC-ın xüsusi müxbiri xəbər verir ki, Afina Olimpiadasında qalib gələn hər bir Ukrayna idmançısı 100 min ABŞ dolları alacaqdır. Gümüş medal 70 min, bürünc medal isə 50 min dollar məbləğində dəyərləndirilmişdir.

Moldova idmançıları isə Olimpiadada qazandıqları medallara görə müvafiq olaraq, 50, 30 və 20 min dollar mükafat alacaqlar. Bundan əlavə, oyunlarda 4, 5 və 6-cı yerləri tutanlar üçün də maddi həvəsləndirmə (müvafiq surətdə, 8, 4 və 2 min dollar) nəzərdə tutulmuşdur. Moldova idmanın sərbəst güləş, ağır atletika və boks növlərində medallar qazanmaq ümidindədir.