MƏDƏNİYYƏT


ÜMUMRESPUBLİKA UŞAQ RƏSM MÜSABİQƏSİ KEÇİRİLƏCƏKDİR

Bakı İncəsənət Mərkəzi NİKOYL Sərmayə İnvestisiya Kommersiya Bankı ilə birgə Novruz bayramına həsr olunmuş “Azərbaycan dörd həyat təzahüründə-torpaq, od, hava, su” devizi altında 1 Ümumrespublika uşaq rəsm müsabiqəsi keçirəcəkdir.

Bakı İncəsənət Mərkəzindən AZƏRTAC-ın müxbirinə bildirmişlər ki, müsabiqədən məqsəd uşaq və yeniyetmələrin təsviri sənətə meylini gücləndirmək, böyüməkdə olan nəsildə ətraf mühitə və milli sərvətlərimizə qayğıkeş münasibət tərbiyə etmək, təbiətimizlə mədəniyyətimiz və adət-ənənələrimiz arasındakı bağlılıq barədə onları məlumatlandırmaqdır.

Təxminən iki ay davam edəcək müsabiqənin birinci ayında rəsmlərin qəbuluna, sonrakı ay isə qaliblərin müəyyənləşdirilməsinə həsr olunacaqdır.

Rəsmlər ayrı-ayrı bölgələr üzrə-Bakı, Gəncə, Şəki, Lənkəran ixtisaslaşdırılmış Uşaq bədii yaradıcılıq mərkəzlərində qəbul edilib mütəxəssislərdən ibarət Təşkilat Komitəsinə göndəriləcəkdir.

Müsabiqədə 14 yaşınadək uşaq və yeniyetmələr iştirak edə bilər. Əsərlər 6-10, 10-14 yaş kateqoriyaları üzrə qiymətləndiriləcəkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.