ELM VƏ TƏHSİL


“Xəyal və idrakın vəhdəti” kitabı çapdan çıxıb

“Xəyal və idrakın vəhdəti” kitabı çapdan çıxıb

Bakı, 2 oktyabr, AZƏRTAC

Azərbaycan Dövlət Mədəniyyət və İncəsənət Universitetinin (ADMİU) beynəlxalq əlaqələr və tərbiyə işləri üzrə prorektoru, filologiya elmləri doktoru, professor Gülşən Əliyeva-Kəngərlinin “Xəyal və idrakın vəhdəti” adlı yeni kitabı çapdan çıxıb.

Bu barədə AZƏRTAC-a ADMİU-dan məlumat verilib. Bildirilib ki, kitabda XX əsrin qüvvətli poetik cərəyanlarından olan fəlsəfi-intellektual poeziya təmayülünün təkamül prosesi araşdırılır. Müəllif bu təmayülün bədii-fəlsəfi mahiyyətini açmaq üçün Rəsul Rzanın, Bəxtiyar Vahabzadənin, Əli Kərimin, Məmməd Arazın, Fikrət Qocanın, Vaqif Səmədoğlunun, Ramiz Rövşənin, Ələkbər Salahzadənin, Çingiz Əlioğlunun, Fikrət Sadıqın, Vaqif Cəbrayılzadənin və Rüstəm Behrudinin yaradıcılığının fərdi ideya-üslub özəlliyini yeni metodologiya ilə təhlil və müəyyən edir. Müəllif əsərində onların bu təmayülə gətirdikləri bədii-fəlsəfi və poetik struktur sistemlərini səciyyələndirir. Elmli şeir və şeir elmi haqqında əsər kimi yazılan kitab mütəxəssis filoloqlar, poeziya sənətini sevənlər və tələbələr üçün nəzərdə tutulur.

Nəfis şəkildə tərtib olunmuş nəşrin elmi redaktoru AMEA-nın Nizami adına Ədəbiyyat İnstitutunun direktoru akademik İsa Həbibbəylidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.