CƏMİYYƏT


Xüsusi qayğıya ehtiyacı olan uşaqların əl işlərindən ibarət sərgi-satış təşkil edilib

Bakı, 5 fevral, AZƏRTAC

Yeni Azərbaycan Partiyası (YAP) Nizami rayon təşkilatının qərargahında xüsusi qayğıya ehtiyacı olan uşaqların əl işlərindən ibarət sərgi-satış təşkil edilib. Sərgi-satış Gənclər Fondunun maliyyə dəstəyi ilə “Xüsusi qayğıya ehtiyacı olan uşaqlara və onların ailələrinə yardım” İctimai Birliyi tərəfindən reallaşdırılan “Xüsusi qayğıya ehtiyacı olan yaradıcı gənclərin cəmiyyətə tanıdılması məqsədilə onların sərgilərinin təşkili” layihəsi çərçivəsində keçirilib.

AZƏRTAC xəbər verir ki, iki gün davam edən sərginin açılış mərasimində çıxış edən İctimai Birliyin sədri Vüsalə Kərimova, Nizami Rayon İcra Hakimiyyəti başçısının müavini Gülnaz İsrafilova, YAP Nizami rayon təşkilatının sədri, Milli Məclisin deputatı Sədaqət Vəliyeva və başqaları bildiriblər ki, bu layihənin məqsədi uşaqların faydalı əməyə cəlb edilməsi, həyat bacarıqlarının inkişaf etdirilməsi və cəmiyyətə inteqrasiyasıdır. Çıxışçılar bu gün Azərbaycanda xüsusi qayğıya ehtiyacı olan uşaqlar üçün həyata keçirilən işlərdən, Birinci vitse-prezident, Heydər Əliyev Fondunun prezidenti Mehriban Əliyevanın, Fondun vitse-prezidenti Leyla Əliyevanın bu sahədəki fəaliyyətindən, əldə olunan nailiyyətlərdən danışıblar.

Sonra xüsusi qayğıya ehtiyacı olan uşaqlar rəqslər ifa ediblər. Daha sonra sərgiyə baxış keçirilib.

Əl işlərinin satışından əldə edilən vəsait xüsusi qayğıya ehtiyacı olan uşaqların ehtiyacları üçün sərf ediləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.