SİYASƏT
YAPONİYA XARİCİ İŞLƏR NAZİRİNİN BİRİNCİ MÜAVİNİ BAKIYA GƏLƏCƏKDİR
Fevralın 23-24-də Yaponiya xarici işlər nazirinin birinci müavini Tetsuro Yano Azərbaycanda rəsmi səfərdə olacaqdır. Səfərin məqsədi iki ölkə arasında siyasi, iqtisadi və mədəni sahələrdə əlaqələrin inkişaf yollarını və müasir beynəlxalq vəziyyəti müzakirə etməkdir.
Xarici İşlər Nazirliyinin mətbuat mərkəzindən AZƏRTAC-a bildirmişlər ki, səfər çərçivəsində Tetsuro Yano bir sıra görüşlər keçirəcək və Xarici İşlər Nazirliyində ikitərəfli danışıqlar aparacaqdır. O, həmçinin Yaponiya hökumətinin mədəniyyət qrantı əsasında Bakı Dövlət Universitetinin dil laboratoriyasına veriləcək avadanlığa dair notalar mübadiləsi sənədinin imzalanması mərasimində iştirak edəcəkdir.