YOL POLİSİ POSTLARINDA İXTİSARLAR APARILMIŞDIR
Baş Dövlət Yol Polisi İdarəsinin rəisi, general-mayor Ramiz Zeynalov AZƏRTAC-ın müxbirinə bildirmişdir ki, respublikamızda yol hərəkəti təhlükəsizliyinin təmin olunması işinə DYP-nin 1877 əməkdaşı cəlb edilmişdir ki, bunun da 70 faizə qədəri bilavasitə yol-patrul xidməti işini həyata keçirir. Azərbaycanın 6500 kilometrdən çox respublika əhəmiyyətli, 22 min kilometrlik yerli əhəmiyyətli yollarında, o cümlədən 32 stasionar dövlət yol polisi postlarında xidmət edən heyətlərdə ixtisar aparılmışdır.