MƏDƏNİYYƏT


Yeni yaradılan “Mirzə Şəfi Vazeh ədəbi məclisi”nin ilk toplantısı olub

Bakı, 1 dekabr, AZƏRTAC

“İstedadlı gənc yazarlara dəstək” layihəsi çərçivəsində Bakı Şəhər Mədəniyyət Baş İdarəsinin Mirzə Şəfi Vazeh adına Yasamal rayon Mərkəzi Kitabxanasında uşaq və yeniyetmələr üçün “Mirzə Şəfi Vazeh ədəbi məclisi” yaradılıb və məclisin ilk toplantısı keçirilib.

Kitabxanadan AZƏRTAC-a bildirilib ki, məclisin sədri, tanınmış uşaq yazıçısı, “Sehrli dünya” uşaq jurnalının baş redaktoru Gülzar İbrahimova yeni yaradılan qurumun məqsəd və vəzifələrindən söz açıb.

Yasamal rayon MKS-nin direktoru, UNESCO-nun “İnformasiya hamı üçün” Proqramının Azərbaycan komitəsinin sədri, Lətifə Məmmədova bildirdi ki, ədəbi məclisin yaradılmasında əsas məqsəd istedadlı uşaqları, yeniyetmələri aşkar edib, onları ədəbi mühitə uyğunlaşdırmaq və istiqamətləndirməkdir.

Tarixçi-alim, tanınmış şair, “Məcmueyi-Şüəra” ədəbi məclisinin sədri Şahin Fazil, istedadlı şairə, uşaq yazıçısı Gülarə Munis çıxış edərək yeni yaradılmış məclisin fəaliyyətində uğurlar arzulayıblar.

“Mirzə Şəfi Vazeh ədəbi məclisi”nin ilk yığıncağında iştirak edən on yeddi istedadlı uşaq və yeniyetmə şeir, nağıl və hekayələrini məclis üzvlərinə təqdim ediblər.

Sonda “Buta” ansamblının ifasında musiqi nömrələri səsləndirilib və bütün iştirakçılara kitablar hədiyyə edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.