REGİONLAR


Yevlaxda “Çiçəklənən Xarıbülbül” adlı fləş-mob keçirilib VİDEO

Yevlax, 16 oktyabr, AZƏRTAC

Yeni Azərbaycan Partiyasının (YAP) təşəbbüsü ilə keçirilən “Qarabağ Azərbaycandır” layihəsi çərçivəsində Yevlax Rayon Təşkilatı tərəfindən “Çiçəklənən Xarıbülbül” adlı fləş-mob təşkil edilib.

AZƏRTAC-ın bölgə müxbiri xəbər verir ki, tədbirdə çıxış edən YAP Yevlax Rayon Təşkilatının Aparat rəhbəri Rafiq Əliyev Vətən müharibəsində qazanılan şanlı Qələbədən danışıb. Qeyd edib ki, yeni əsrin yeni lideri, Müzəffər Ali Baş Komandan İlham Əliyevin rəhbərliyi ilə şanlı Azərbaycan Ordusu düşməni kapitulyasiya aktını imzalamağa məcbur etdi. Bu Qələbə ölkəmizin yeni tarixinə Zəfər günü kimi qızıl hərflərlə yazıldı.

Şəhid atası Fərman Kazımov, Vətən müharibəsi qazisi Telman Mehdiyev, Milli Məclisin deputatı İlham Məmmədov çıxışlarında 44 günlük Vətən müharibəsində əldə olunan qələbədən, əsgər və zabitlərimizin döyüşlərdə göstərdikləri qəhrəmanlıqlardan danışıblar.

Malbinəsi kənd Uşaq Musiqi Məktəbinin şagirdi Nuran Həsənzadənin ifasında səslənən “Bayatı-Şiraz” muğamı ilə müşayiət olunan “Çiçəklənən Xarıbülbül” fləş-mob zamanı gənclər Qələbənin simvolu olan Xarıbülbülün rəsmini yaradıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.