DÜNYA


“Zaporojye” AES-də qəza baş verərsə, 400 mindən çox insan məcburi təxliyə ediləcək

Kiyev, 16 avqust, AZƏRTAC

“Zaporojye” Atom Elektrik Stansiyasında qəza baş verərsə, Zaporojye və Dnepropetrovsk vilayətlərindən 400 mindən çox insan məcburi təxliyə ediləcək.

AZƏRTAC xəbər verir ki, bu barədə Zaporojye Vilayəti Hərbi Administrasiyasının rəhbəri Aleksandr Staruxa bildirib.

“Əgər biz “Enerhadar” AES-də baş vermiş qəza nəticəsində yarana biləcək 50 kilometrlik məcburi evakuasiya zonasını götürsək, o zaman bu, bizim regionda 200 mindən çox, qonşu Dnepropetrovsk vilayətində isə 200 mindən azdır”, - deyə o qeyd edib.

Aleksandr Starux vurğulayıb ki, belə olacağı təqdirdə, Nikopol, Marqanets, Enerhodar, Vasilyevka, Dneprorud və bir sıra digər yaşayış məntəqələrinin sakinləri təxliyə ediləcək.

Xatırladaq ki, Ukrayna və Rusiya tərəfləri razılaşarsa, BMT MAQATE-nin “Zaporojye” AES-ə missiyasını dəstəkləməyə hazırdır.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.