Ağsu, İsmayıllı, Qobustan və Şamaxının kəndlərində modul tipli 14 məktəb quraşdırılacaq
Bakı, 2 aprel, AZƏRTAC
Prezident İlham Əliyev aprelin 2-də “Ağsu, İsmayıllı, Qobustan və Şamaxı rayonlarında təhsil infrastrukturunun inkişafı ilə əlaqədar tədbirlər haqqında” Sərəncam imzalayıb.
AZƏRTAC xəbər verir ki, Ağsu, İsmayıllı, Qobustan və Şamaxı rayonlarında cəmi 776 şagird yerlik modul tipli 14 məktəbin quraşdırılması məqsədilə Prezidentin 2018-ci il 22 yanvar tarixli Sərəncamı ilə təsdiq edilmiş “Azərbaycan Respublikasının 2018-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.11.2-ci yarımbəndində göstərilmiş məbləğin 4 milyon 392 min manatı Təhsil Nazirliyinə ayrılıb.
Sərəncama əsasən İsmayıllının Gəndov, Girk, Uştaqlışlaq, Şamaxının Talışnuru, Ərciman, Cıraqlı, Cabanı, Çağan, Laləzar, Sabirli, Qobustanın Şıxzərli, Ağsunun Sanqalan, Abasxanlı və Sarvan kəndlərində modul tipli məktəb binaları quraşdırılacaq.
Bölmənin digər xəbərləri
