SİYASƏT
APREL AYI QONDARMA “ERMƏNİ SOYQIRIMI”NI BOYKOT AYI ELAN EDİLMİŞDİR
Bakı, 3 aprel (AZƏRTAC). Beynəlxalq Diaspor Mərkəzi aprel ayını qondarma “erməni soyqırımı”nı boykot ayı elan etmişdir.
Mərkəz bu məqsədlə tədbirlər planı hazırlamışdır. Aprelin 10-dan başlayaraq həm Azərbaycanda, həm də onun hüdudlarından kənarda müxtəlif tədbirlər keçiriləcəkdir.
Kampaniyanın məqsədi qondarma “erməni soyqırımı” ilə əlaqədar erməni təşkilatlarının keçirməyi planlaşdırdığı tədbirlərin qarşısını almaq, Azərbaycanın ədalətli mövqeyini beynəlxalq ictimaiyyətə çatdırmaq, ermənilərin yalanlarını ifşa etməkdir.
Tədbirlər planına uyğun olaraq İstanbulda yürüş keçiriləcək, Mərkəzin Avropa nümayəndəliyinin köməyi ilə Rusiyada, Avstriyada, Çexiyada, Polşada və başqa ölkələrdə elmi konfranslar, qondarma “erməni soyqırımı”nı ifşa edən seminarlar, “dəyirmi masa”lar təşkil ediləcəkdir.