Apreldə Rusiya iş adamları Azərbaycana gələcək
Bakı, 18 yanvar, AZƏRTAC
Aprelin 4-dən 6-dək Rusiyanın iş adamlarının ölkəmizə biznes missiyası təşkil olunacaq.
AZƏRTAC xarici KİV-lərə istinadla xəbər verir ki, biznes-missiyanın təşkilatçısı Rusiyanın Kiçik və Orta İxracatçıları Assosiasiyasıdır.
Biznes missiyasının hazırlanmasında hər bir iştirakçı şirkət üçün potensial tərəfdaşlar axtarılır və maraqlı şirkətlərlə mütəşəkkil danışıqlar təşkil edilir. İştirakçılar üçün milli ticarət nümayəndəliyinə, biznes assosiasiyalara səfərlər, nazirlik və qurumların, işgüzar birliklərin və ticarət-sənaye palatalarının nümayəndələri ilə görüşlər təşkil ediləcək.
Bu il coğrafiyasını genişləndirən Kiçik və Orta İxracatçılar Assosiasiyası ənənəvi sahələrdən əlavə Azərbaycan, Türkiyə, Monqolustan və Tacikistana işgüzar missiyalar təşkil edəcək.
Bölmənin digər xəbərləri
