“AQROLİZİNQ” ASC AZOT GÜBRƏSİ ALINMASI ÜÇÜN TENDER KEÇİRMİŞDİR
AZƏRTAC xəbər verir ki, aprelin 9-da “Aqrolizinq” Açıq Səhmdar Cəmiyyətində respublikanın kənd təsərrüfatı məhsulları istehsalçılarının gübrəyə tələbatını ödəmək üçün ammonium-nitrat (azot) alınması məqsədilə tender keçirilmişdir.
Maliyyə, İqtisadi İnkişaf nazirlikləri, Satınalmalar üzrə Dövlət Agentliyi nümayəndələrinin iştirakı ilə keçirilmiş tenderdə məlumat verilmişdir ki, “Dövlət satınalmaları haqqında” Azərbaycan Respublikasının Qanununa uyğun olaraq, tender barədə kütləvi informasiya vasitələrində müvafiq elan dərc etdirilmişdir.
Komissiyanın üzvləri iddiaçıların təklifləri ilə tanış olmuşlar.
Təkliflər qanunda nəzərdə tutulan müddətdə araşdırılacaq və nəticələr barədə iştirakçılara məlumat veriləcəkdir. Tenderin qalibləri müəyyən edildikdən sonra onlarla 60 min ton gübrə alınması barədə müqavilə imzalanacaqdır.
Bölmənin digər xəbərləri
