Avropa İttifaqı indiyədək Ukrayna üçün 134 milyard avro xərcləyib
Bakı, 22 yanvar, AZƏRTAC
Avropa İttifaqı artıq Ukraynaya 134 milyard avro, o cümlədən silah alınmasına 50 milyard avro sərf edib.
AZƏRTAC xəbər verir ki, bunu Avropa İttifaqının diplomatik xidmətinin rəhbəri Kaya Kallas deyib.
“Biz artıq Ukraynaya ümumilikdə 134 milyard avro, o cümlədən silah alışı üçün 50 milyard avro ayırmışıq. Eyni zamanda, yanvarın sonunadək Avropa İttifaqında təlim keçən ukraynalı hərbçilərin sayı 75 minə çatacaq”, - deyə o bildirib. Siyasətçinin sözlərinə görə, Brüsselin köməyi ilə Ukrayna müharibədə qalib gələ biləcək.
Kaya Kallas, həmçinin Vaşinqtonun yardımı olmadan da Avropa İttifaqının Kiyevi təkbaşına dəstəkləməyə hazır olduğunu vurğulayıb. “Biz bunu tərəfdaşlarla və ya öz gücümüzlə edəcəyik”, - deyə diplomatik xidmətin rəhbəri söyləyib.
Bölmənin digər xəbərləri
