SİYASƏT
AZƏRBAYCAN ÖZ DAXİLİ İMKANLARI HESABINA GÜCLÜ DÖVLƏT QURMUŞDUR
Bakı, 4 aprel (AZƏRTAC). Azərbaycan öz daxili imkanları hesabına güclü dövlət qurmuşdur.
Bunu Prezident İlham Əliyev Şirvan şəhər ictimaiyyətinin nümayəndələri ilə görüşdə demişdir.
Ölkəmizin gələcək inkişafı üçün bütün imkanlar olduğunu diqqətə çatdıran Prezident İlham Əliyev vurğulamışdır ki, Azərbaycan, sözün əsl mənasında, uğurlu inkişaf dövrünü yaşayır. Biz bütün vəzifələri uğurla icra edirik. Həm iqtisadi, həm siyasi sahədə, bütün başqa sahələrdə, sosial məsələlərin həlli işində Azərbaycan öz daxili imkanlarına arxalanaraq müstəqil siyasət aparmaqla ölkəmizi gücləndirir. Görülən bütün bu işlər Azərbaycan xalqının zəhmətidir, Azərbaycan xalqının istedadının nəticəsidir.