AZƏRBAYCAN RESPUBLİKASININ NAZİRLƏR KABİNETİNDƏ
Azərbaycan Respublikasının Gənclər, İdman və Turizm Nazirliyinin tabeliyində olan müəssisə və təşkilatlarda idman tədbirləri iştirakçılarının ümumi və xüsusi təyinatlı geyimlər və fərdi idman avadanlıqları təmin olunmasının tənzimləməsi ilə bağlı Azərbaycan Respublikasının Gənclər, İdman və Turizm Nazirliyinin Maliyyə nazirliyi və Ədliyyə nazirliyi ilə razılaşdırılmış təklifini nəzərə alaraq Azərbaycan Respublikasının Nazirlər Kabinetinin 2002-ci il 31 iyul tarixli 119 nömrəli qərarına əsasən “Azərbaycan Respublikasının Gənclər, İdman və Turizm Nazirliyinin tabeliyində olan müəssisə və təşkilatlarda idman tədbirləri iştirakçılarının ümumi və xüsusi təyinatlı geyimlər və fərdi idman avadanlıqları ilə təminat normaları” təsdiq edilsin.
Azərbaycan Respublikasının Gənclər, İdman və Turizm nazirliyinə tapşırılsın ki, bu qərarın birinci bəndində nəzərdə tutulan geyimlər və avadanlıqlardan istifadə edilməsi qaydalarını təsdiq etsin.
İdman tədbirləri iştirakçılarının ümumi və xüsusi təyinatlı geyimlər və fərdi idman avadanlıqları ilə təminat məsələləri Azərbaycan Respublikasının Dövlət büdcəsinin “Mədəniyyət, incəsənət, bədən tərbiyəsi və din sahəsində fəaliyyətin xərcləri” bölməsini “Bədən tərbiyəsi və gənclər siyasəti tədbirləri xərcləri” köməkçi bölməsində Gənclər, İdman və Turizm Nazirliyinə nəzərdə tutulmuş vəsait dairəsində həyata keçirilsin.
Bu qərar imzalandığı gündən qüvvəyə minir.
Bu barədə AZƏRTAC-a Nazirlər Kabinetinin mətbuat mərkəzindən məlumat vermişlər.
Bölmənin digər xəbərləri
