Pit Heqset: ABŞ bu gecə İrana sərt hərbi zərbələr endirəcək
Vaşinqton, 11 iyun, AZƏRTAC
ABŞ ordusu bu gecə İrana qarşı sərt hərbi zərbələr endirəcək. Əməliyyatlar güclü və qəti xarakter daşıyacaq.
AZƏRTAC xəbər verir ki, bunu ABŞ-nin müdafiə naziri Pit Heqset bildirib.
ABŞ Prezidenti Donald Tramp daha əvvəl açıqlamışdı ki, planlaşdırılan zərbələr İranın ABŞ ordusuna məxsus “Apache” helikopterini vurmasına cavab xarakteri daşıyır.
Heqset isə vurğulayıb ki, məqsəd yeni münaqişə başlatmaq deyil, ABŞ-nin və Prezidentin gözlədiyi nəticələrə nail olmaq üçün şərtləri müəyyən etməkdir. O deyib: “Bu gecə həyata keçiriləcək zərbələr güclü və aydın olacaq. Əgər sabah gecə də zərbələr lazım olsa, onlar da güclü və aydın olacaq”.
Qeyd edək ki, bu bəyanatlar ABŞ və İran arasında son günlər artan hərbi gərginlik fonunda səsləndirilib və bölgədə vəziyyətin daha da kəskinləşə biləcəyi ilə bağlı narahatlıqları artırıb.
Bölmənin digər xəbərləri
