AZƏRBAYCAN RESPUBLİKASININ NAZİRLƏR KABİNETİNDƏ
“Təhlükəli yüklərin quru yollar ilə beynəlxalq daşımaları haqqında” Avropa Sazişinə (DOPOQ) və İmzalanma Protokoluna qoşulmaq barədə” Azərbaycan Respublikasının 2000-ci il 18 iyul tarixli 913-I Q nömrəli Qanununa uyğun olaraq, DOPOQ-un müddəalarının tətbiqi ilə əlaqədar Nazirlər Kabineti qərara almışdır ki, “Azərbaycan Respublikasının avtomobil yolları ilə daşınacaq yüklərin təhlükəlilik dərəcəsinə görə təsnifatının təsdiq edilməsi haqqında” Nazirlər Kabinetinin 1994-cü il 25 avqust tarixli 315 nömrəli qərarı qüvvədən düşmüş hesab edilsin.
Nazirlər Kabinetinin 2000-ci il 27 yanvar tarixli 10 nömrəli qərarı ilə təsdiq edilmiş “Təhlükəli yüklərin avtomobil nəqliyyatı ilə daşınması Qaydaları”na aşağıdakı əlavə və dəyişikliklər edilmişdir:
Qaydaların mətnində “TYBAYD” sözü “DOPOQ” sözü ilə əvəz olunmuşdur;
1.2-ci bənddə “Təhlükəli yüklərin beynəlxalq avtomobil yolları ilə daşınması” (TYBAYD) barədə BMT-nin Avropa Sazişinin” sözləri “Təhlükəli yüklərin quru yollar ilə beynəlxalq daşımaları haqqında” Avropa Sazişinin (DOPOQ)” sözləri ilə əvəz edilmişdir;
1.2-ci bəndin ikinci abzasının qeyd hissəsinə aşağıdakı redaksiyada üçüncü cümlə əlavə olunmuşdur:
“Azərbaycan Respublikası “Təhlükəli yüklərin quru yollar ilə beynəlxalq daşımaları haqqında” Avropa Sazişinə (DOPOQ) və İmzalanma Protokoluna 2000-ci il 18 iyul tarixli 913-I Q nömrəli Qanunla qoşulmuşdur.”;
1.4-cü bənddə “Azərbaycan Respublikası Nazirlər Kabinetinin 1994-cü il 25 avqust tarixli 315 nömrəli qərarı ilə təsdiq edilmiş “Azərbaycan Respublikasının avtomobil yolları ilə daşınacaq yüklərin təhlükəsizlik dərəcəsinə görə təsnifat” sözləri “Təhlükəli yüklərin quru yollar ilə beynəlxalq daşımaları haqqında” Avropa Sazişinin (DOPOQ) müddəaları” sözləri ilə əvəz edilmişdir.
Həmin qərarlar imzalandığı gündən qüvvəyə minmişdir.
Bu barədə AZƏRTAC-a Nazirlər Kabinetinin mətbuat mərkəzindən məlumat vermişlər.
Bölmənin digər xəbərləri
