ABŞ ordusu İranda bir neçə hədəfə zərbələr endirdiyini açıqlayıb
Vaşinqton, 11 iyun, AZƏRTAC
ABŞ qüvvələri İranda bir neçə hədəfə qarşı hərbi əməliyyat həyata keçirir.
AZƏRTAC xəbər verir ki, bu barədə Birləşmiş Ştatların Mərkəzi Komandanlığı məlumat yayıb.
Qurumun açıqlamasına görə, zərbələr İranın “əsassız və davamlı təcavüzkar hərəkətlərinə” cavab olaraq endirilir.
İran mediasının məlumatına görə, ölkənin cənubundakı Bəndər Abbas, Sirik və Minab şəhərlərində partlayış səsləri eşidilib.
Bu hücumlar ABŞ ordusuna məxsus helikopterin Hörmüz boğazı yaxınlığında qəzaya uğramasından bir gün sonra baş verib. ABŞ Prezidenti Donald Tramp hadisəyə görə İranı məsul tutmuş və Vaşinqtonun cavab tədbirləri görəcəyini bildirmişdi. ABŞ tərəfi son zərbələri də həmin hadisə və İranın son fəaliyyətləri ilə əlaqələndirir.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
