AZƏRBAYCAN RESPUBLİKASININ NAZİRLƏR KABİNETİNDƏ
“Dövlət satınalmaları haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2002-ci il 29 yanvar tarixli Fərmanının icrası məqsədi ilə Nazirlər Kabinetinin 2002-ci il 6 avqust tarixli 134 nömrəli qərarına əsasən Nazirlər Kabinetinin 1996-cı il 2 dekabr tarixli 168 nömrəli qərarı ilə təsdiq edilmiş “Nümunəvi özəl kənd təsərrüfatı müəssisələrinin yaradılması layihəsinin tətbiqi üzrə rayon işçi orqanı haqqında Əsasnamə”nin 2.1-ci bəndinin beşinci abzasında “(tender müsabiqələrinin keçirilməsi vasitəsilə inventar, avadanlıq, nəqliyyat vasitələri və digər məsələlərin həlli və s.)” sözləri “(dövlət satınalmaları haqqında qanunvericiliyə uyğun inventar, avadanlıq, nəqliyyat vasitələrinin alınması, bu sahədə digər məsələlərin həlli və s.)” sözləri ilə əvəz edilsin.
Azərbaycan Respublikası Nazirlər Kabinetinin 1998-ci il 15 aprel tarixli 77 nömrəli qərarı ilə təsdiq edilmiş “Dövlət büdcəsinin “İqtisadi islahatların həyata keçirilməsi ilə bağlı xərclər” maddəsində nəzərdə tutulan vəsaitdən istifadə olunması haqqında Əsasnamə”nin 3.2-ci bəndində “tender əsasında” sözləri “dövlət satınalmaları haqqında qanunvericiliyə uyğun” sözləri ilə əvəz olunmuşdur.
Nazirlər Kabinetinin 2001-ci il 2 fevral tarixli 32 nömrəli qərarı ilə təsdiq edilmiş “Dövlət əmlakının özəlləşdirilməsində iştirak etmək üçün təqdim edilməli sənədlərin siyahısı və qaydaları”nın 2.3-cü bəndinin dördüncü abzasında “tender” sözü “müsabiqə” sözü ilə əvəz edilmişdir.
Bu qərar imzalandığı gündən qüvvəyə minmişdir.
Bu qərar barədə AZƏRTAC-a Nazirlər Kabinetinin mətbuat mərkəzindən məlumat vermişlər.
Bölmənin digər xəbərləri
