Azərbaycanlı iş adamları Manqistau vilayətində zavod tikirlər
Manqistau, 3 aprel, AZƏRTAC
Qazaxıstanın Manqistau vilayətində üç yeni istehsalat müəssisəni birləşdirən zavod bu ilin sonunda fəaliyyətə başlayacaq.
AZƏRTAC xəbər verir ki, azərbaycanlı iş adamlarının “AktauEnerqoMaş” şirkətinin “Aktau Morport”da xüsusi iqtisadi ərazidə tikdiyi bu zavod, üç müəssisədən ibarətdir.
Zavodun tikintisinə 50 milyon ABŞ dolları ayrılıb və hazırda tikinti ilə bağlı əsas işlər görülüb başa çatmaq üzrədir.
Müəssisələrdən biri kabel məhsulları və transformatorlar istehsal edəcək. Illik təxminən 250 transformatorun istehsalı nəzərdə tutulan zavodun məhsullarının tək daxili bazar üçün deyil, bir sıra MDB dövlətlərinə idxalı nəzərdə tutulub.
Zavodun digər müəssisəsi polimer qablaşdırmanın istehsalı ilə məşğul olacaq və ildə təxminən dörd yüz ton plastik qab və konteyner istehsal ediləcək.
Bundan başqa şəhərin sənaye ərazisində yerləşəcək digər müəssisədə mebel və plastik pəncərələr istehsal ediləcək.
Zavodda iki yüz adamın işlə təmin olunacağı nəzərdə tutulub.
İlahə Əhmədova
AZƏRTAC-ın xüsusi müxbiri
Manqistau
Bölmənin digər xəbərləri
