Azərbaycanlı istifadəçilər arasında ən populyar brauzerin adı məlum olub
Bakı, 7 iyun, AZƏRTAC
“Google Chrome” internet brauzeri azərbaycanlı istifadəçilər arasında populyarlıq baxımından öz liderliyini qoruyur.
AZƏRTAC “Global Stats” statistika mərkəzinə istinadla xəbər verir ki, onun ölkə bazarındakı payı 57,27 faiz təşkil edib. 2024-cü ilin may ayında “Google Chrome” brauzerinin Azərbaycan bazarındakı payı əvvəlki ayla müqayisədə 0,53 faiz artıb.
“Safari” brauzerinin Azərbaycan bazarındakı payı hesabat ayı ərzində bir qədər - 0,96 faiz bəndi azalaraq 7,86 faiz təşkil edib.
Hesabat dövründə “Samsung Internet” brauzerinin payı da əvvəlki ayla müqayisədə 0,04 faiz bəndi azalaraq 0,09 faiz təşkil edib.
Bazarın qalan hissəsi isə payı 28 faiz olan digər internet brauzerlərinə məxsusdur.
Bölmənin digər xəbərləri
