“AZƏRDƏMİRYOLBANK”-IN DAHA BİR FİLİALI AÇILMIŞDIR
“Azərdəmiryolbank” ASC-nin mətbuat xidmətindən AZƏRTAC-a bildirmişlər ki, qurumun Bakıda daha bir filialı açılmışdır. Bu bölmənin ofisi Nizami rayonu, Q.Qarayev küçəsi, 27a ünvanında yerləşir.
Yeni filial müştərilərinə bank xidmətləri ilə bərabər əmanətlərin qəbulu, kreditlərin verilməsi, qaz, su, isıq və mobil rabitə operatorlarının xidmətlərinə görə pərakəndə ödənişlər və Western Union, MoneyGram, Migom, Contact, Coinstar, Bistraya Pocta, Zolotaya Korona və Şimşək (bankın öz məhsulu) sistemləri daxilində təcili pul köçürmələri və s. göstərəcəkdir. Plastik kartlarla əməliyyatların aparılması üçün filial müasir bankomatla təchiz olunmuşdur.
Bankın 28 struktur bölməsi fəaliyyət göstərir.
