BAKI-TBİLİSİ-CEYHAN KƏMƏRİNİN İLK BORULARI TORPAĞA BASDIRILIR
Bakı-Tbilisi-Ceyhan neft ixrac boru kəmərinin keçəcəyi üç ölkədən ilk dəfə olaraq Azərbaycanda –Səngəçal yaxınlığında boruları torpağa basdırmağa başlamışlar.
“bp-Azərbaycan” şirkətindən AZƏRTAC-a bildirmişlər ki, indiyədək ölkəyə ümumi uzunluğu 288 kilometrdən artıq olan 24 min 791 ədəd boru gətirilmiş və kəmərin marşrutu boyunca tikinti sahələri yaxınlığında yerləşən bazalara yığılmışdır. Torpağa basdırma işlərində boşdayanmaya yol verməmək üçün artıq 12 kilometrdən çox boru qaynaq edilmişdir.
Bölmənin digər xəbərləri
