Finlandiya Ukraynaya “Patriot” raketləri verməkdən imtina edib
Bakı, 9 avqust, AZƏRTAC
Finlandiyanın müdafiə naziri Antti Häkkänen ölkəsinin Ukraynaya "Patriot" hava hücumundan müdafiə sistemləri üçün raket-tutucular vermək niyyətində olmadığını bildirib. Nazir vurğulayıb ki, bu addım ölkənin milli maraqlarına ziddir.
AZƏRTAC xəbər verir ki, şənbə günü “Ilta-Sanomat” qəzetinə müsahibə verən Häkkänen qərarı belə əsaslandırıb: “Biz müttəfiqlərimiz naminə əlimizdən gələni etmişik. Lakin Rusiya ilə birbaşa sərhəddə yerləşən bir dövlət olaraq, öz hava hücumundan müdafiə hazırlığımızı və təhlükəsizliyimizi riskə ata bilmərik”.
Nazir Finlandiyanın Ukraynaya bəzi zenit raketləri tədarük etmək üçün “müəyyən imkanlara” sahib olduğunu qeyd etsə də, Kiyevə göstəriləcək yardım mexanizmlərinin təfərrüatlarını açıqlamaqdan imtina edib.
Xatırladaq ki, iyulun sonlarında ABŞ Prezidenti Donald Tramp da “Patriot” sistemlərinin və müvafiq raket istehsalı texnologiyalarının Kiyevə ötürülməsi perspektivlərinə şübhə ilə yanaşmışdı. Tramp ABŞ-nin digər ölkələrə Amerika silahlarının istehsalı üçün lisenziya verərkən son dərəcə ehtiyatlı davranmalı olduğunu qeyd etmişdi.
Bölmənin digər xəbərləri
