ABŞ-də iki böyük hava limanında uçuşlar dayandırılıb
Vaşinqton, 21 sentyabr, AZƏRTAC
ABŞ-nin Nyuark və Filadelfiya beynəlxalq hava limanlarında avadanlıq nasazlığı səbəbindən uçuşlar müvəqqəti dayandırılıb.
AZƏRTAC xəbər verir ki, bu barədə Federal Aviasiya Administrasiyası (FAA) məlumat yayıb. Filadelfiyadakı hava hərəkətini idarəetmə mərkəzində elektrik dövrəsinin sıradan çıxdığı, ehtiyat rabitə xəttinin isə Nyu-Cersidə aparılan tikinti işləri zamanı kəsildiyi bildirilib.
Ölkə üzrə 400-dən çox reys ləğv olunub, 4 mindən çox uçuş gecikib. Nyuark hava limanında 280-dən çox reys təxirə salınıb. Bəzi təyyarələr alternativ hava limanlarına yönləndirilib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
