“Reuters”: Pentaqon bəzi Avropa ölkələrindən Rusiya əleyhinə ritorikanı yumşaltmağı xahiş edib
Bakı, 30 oktyabr, AZƏRTAC
Pentaqon rəsmiləri son həftələrdə NATO-nun bir neçə ölkəsindən Rusiyanın yaratdığı təhlükə ilə bağlı ritorikalarını yumşaltmağı xahiş ediblər.
AZƏRTAC “Reuters” agentliyinə istinadla xəbər verir ki, Pentaqon Avropa liderləri və rəsmilərinin bəzi bəyanatlarının qitənin təhlükəsizliyinə xələl gətirdiyini iddia edir.
Anonimlik şərti ilə “Reuters”ə danışan ABŞ rəsmiləri bildiriblər ki, ictimai açıqlamaları nəzarətdə saxlamağa çağıran mesajlar alan ölkələr arasında Litva, Latviya və Estoniya da var. İkitərəfli görüşlərdə çatdırılan mesajların digər Avropa hökumətlərinə çatdırılması məlum deyil.
ABŞ-nin bu xahişləri Tramp administrasiyasının Ukrayna müharibəsinin danışıqlar yolu ilə sona çatması üçün səylərini yenidən başlatması ilə əlaqədardır. Sonuncu addımlar Rusiyaya sanksiyaların aradan qaldırılmasını təklif etmək, habelə Ukraynaya Rusiyanın enerji infrastrukturuna hücumlarını dayandırması üçün təzyiq göstərməklə müşayiət olunur.
Mənbələr bildiriblər ki, ABŞ-nin Avropadakı qoşunlarının sayının nəzərdən keçirilməsində əsas fiqur olan Pentaqonun siyasət rəhbəri Elbric Kolbi mesajı çatdıran rəsmilərdən biri olub.
Bölmənin digər xəbərləri
