Bakıda keçiriləcək UFC turniri İdman TV-də canlı yayımlanacaq
Bakı, 18 iyun, AZƏRTAC
Bakıda keçiriləcək UFC turniri İdman TV-də canlı yayımlanacaq.
Telekanaldan AZƏRTAC-a verilən məlumata görə, bununla bağlı əməkdaşlıq müqaviləsi imzalanıb.
MMA azarkeşləri iyunun 21-də saat 20:00-da keçiriləcək tədbirin bütün döyüşlərini, eləcə də bir gün əvvəl baş tutacaq rəsmi çəki mərasimini canlı izləyə biləcəklər.
Qeyd edək ki, əsas döyüşdə keçmiş dünya çempionu Camal Hill parlamaqda olan ulduz Xalil Rauntri ilə qarşılaşacaq. Həmin gecənin ikinci əsas döyüşündə isə azərbaycanlı idmançı Rafael Fiziev çilili İqnasio Bahamondes ilə üz-üzə gələcək.
Bölmənin digər xəbərləri
