BAKIDA “TÜRKMƏNİSTAN VƏ AZƏRBAYCANIN NEFT VƏ QAZI” ADLI BEYNƏLXALQ KONFRANS KEÇİRİLƏCƏKDİR
AZƏRTAC-ın xüsusi müxbiri xəbər verir ki, bu il sentyabrın birinci yarısında Bakıda “Türkmənistan və Azərbaycanın neft və qazı” adlı beynəlxalq konfrans keçiriləcəkdir.
Türkmənistan Prezidenti Qurbanqulu Berdiməhəmmədovun Azərbaycana səfəri zamanı qəbul edilmiş qərarların yerinə yetirilməsi, o cümlədən ölkələrimizin neft-qaz şirkətləri arasında qarşılıqlı faydalı əlaqələrin möhkəmləndirilməsi məqsədi ilə Türkmənistanın dövlət başçısı Bakıda keçiriləcək beynəlxalq konfransa hazırlıqla bağlı işçi qrupunun yaradılması haqqında qərar imzalamışdır.
Türkmənistan Nazirlər Kabinetinin iclasında isə Baş nazirin yanacaq energetika məsələləri üzrə müavini Taçberdi Tağıyev bildirmişdir ki, artıq Bakıda keçiriləcək beynəlxalq neft-qaz forumuna hazırlıq işləri başlanmışdır və qardaş ölkə ilə birgə təşkil olunan ilk belə tədbir yüksək səviyyədə keçiriləcəkdir.
Bölmənin digər xəbərləri
