Bakının ictimai iaşə dövriyyəsi 4,1 faiz artıb
Bakı, 2 aprel, AZƏRTAC
Bu ilin yanvar-fevral aylarında Bakı şəhərinin ictimai iaşə dövriyyəsi əvvəlki ilin müvafiq dövrü ilə müqayisədə real ifadədə 4,1 faiz artaraq 123,8 milyon manata çatıb.
Bakı Şəhər Statistika İdarəsindən AZƏRTAC-a bildiriblər ki, dövriyyənin 99,7 faizi qeyri-dövlət sektorunun müəssisələri hesabına formalaşıb. Bu sektorda iaşə dövriyyəsinin 46,9 faizi hüquqi şəxs statuslu müəssisələrin, 53,1 faizi isə bu sahədə sahibkarlıq fəaliyyəti ilə məşğul olan fərdi sahibkarların payına düşüb.
Hesabat dövründə hüquqi şəxs statuslu müəssisələrdə dövriyyə 2017-ci ilin yanvar-fevral aylarına nisbətən müqayisədə 14,7 faiz artaraq 58,3 milyon manat təşkil edib.
Bölmənin digər xəbərləri
