BEYLƏQANDA MƏDƏNİYYƏT İŞÇİLƏRİ MÜSTƏQİL HƏMKARLAR İTTİFAQI RESPUBLİKA KOMİTƏSİNİN İCLASI KEÇİRİLMİŞDİR
AZƏRTAC xəbər verir ki, Beyləqanda Mədəniyyət İşçiləri Müstəqil Həmkarlar İttifaqı Respublika Komitəsi (RK) rəyasət heyətinin iclası keçirilmişdir.
İclas RK-nın Beyləqan, Sabirabad, Saatlı, İmişli, Xocavənd və Ağcabədi rayon komitələri tərəfindən müəssisə və təşkilatlarda çalışan qadınların əmək şəraiti, əməyinin və sağlamlığının mühafizəsi və sosial-iqtisadi məsələlərin həlli istiqamətində apardıqları işə həsr olunmuşdur.
İclasda Beyləqan, Ağcabədi, İmişli, Saatlı, Sabirabad, Xocavənd rayonlarının Mədəniyyət və Turizm, Gənclər və İdman şöbələrinin müdirləri, həmkarlar ittifaqı komitələrinin sədrləri, qadınlar arasında iş üzrə komissiyaların sədrləri, mədəniyyət işçiləri və həmkarlar ittifaqı fəalları iştirak etmişlər.
