Beynəlxalq Valyuta Fondu qlobal iqtisadi artım proqnozunu endirib
Bakı, 10 aprel, AZƏRTAC
Beynəlxalq Valyuta Fondu (IMF) bu il üzrə qlobal iqtisadi artım proqnozunu aşağı salıb.
AZƏRTAC xəbər verir ki, bu barədə fond məlumat yayıb. Bildirilir ki, IMF iqtisadi aktivlikdəki geriləmə və artan risklərlə əlaqədar cari il üçün iqtisadi artım proqnozunu 3,3 faizə endirib. Əvvəlki proqnoz 3,5 faiz idi. Gələn il üzrə qlobal iqtisadi artım proqnozu isə 3,6 faiz səviyyəsində saxlanılıb.
Fond bu il ABŞ-da iqtisadi artımın 2,3 faiz, Avropada 1,3 faiz, Almaniyada 0,8 faiz, Hindistanda 7,3 faiz, Çində isə 6,3 faiz olacağını gözləyir.
Bölmənin digər xəbərləri
