Binəqədidə “Sakinlərin müraciət xidməti”nə mart ayında 2500-ə yaxın zəng daxil olub
Bakı, 6 aprel, AZƏRTAC
Mart ayında müxtəlif məsələlərlə əlaqədar Binəqədi rayonunda yaradılmış “Sakinlərin müraciət xidməti”nə 2458 zəng daxil olub, onlardan 2009-u birbaşa cavablandırılıb, 449 müraciətlə əlaqədar icraat vərəqi tərtib edilib. Ay ərzində rayon sakinlərindən orta hesabla gündə 79 zəng daxil olub.
AZƏRTAC rayon icra hakimiyyətinin saytına istinadla xəbər verir ki, ümumən ötən ilin müvafiq dövrü ilə müqayisədə zənglərin sayında 176 vahid azalma müşahidə edilib.
Ay ərzində icraata götürülən müraciətlərdən 388-i tam, 35-i qismən həll edilib, 26 şikayətçiyə müvafiq izahat verilib. Xidmət tərəfindən qurum rəhbərlərinin mobil telefonlarına 135 SMS göndərilib.
Bölmənin digər xəbərləri
