Bir istehlakçı ayda orta hesabla 465,5 manat vəsait xərcləyib
Bakı, 15 sentyabr, AZƏRTAC
Cari ilin yanvar-avqust aylarında istehlakçıların tələbatlarının ödənilməsi məqsədilə satılmış malların və göstərilmiş xidmətlərin dəyəri 37,4 milyard manat olmaqla 2021-ci ilin eyni dövrünə nisbətən müqayisəli qiymətlərlə 4,2 faiz artıb.
Dövlət Statistika Komitəsindən AZƏRTAC-a bildirilib ki, qeyri-dövlət sektorunun təsərrüfat subyektləri tərəfindən satılmış malların və göstərilmiş xidmətlərin dəyəri 2021-ci ilin yanvar-avqust ayları ilə müqayisədə 4,3 faiz artaraq 36,1 milyard manata bərabər olub, onun 46,2 faizi fərdi sahibkarların fəaliyyəti sayəsində formalaşıb. Hesabat dövründə bir istehlakçı ayda orta hesabla 465,5 manat və ya 2021-ci ilin eyni dövrü ilə müqayisədə nominal ifadədə 68,7 manat çox vəsait xərcləyib.
Bölmənin digər xəbərləri
