Birinci rübdə neft sektorunda 7,7 milyard manatlıq məhsul istehsal olunub
Bakı, 19 aprel, AZƏRTAC
2018-ci ilin yanvar-mart aylarında neft sektoruna 1 milyard 413 milyon manat vəsait yönəldilib.
Dövlət Statistika Komitəsindən AZƏRTAC-a verilən məlumata görə, birinci rübdə neft sektorunda 7 milyard 722,3 milyon manat dəyərində məhsul istehsal olunub. Sənayenin neft sektorunda istehsal əvvəlki ilin müvafiq dövrü ilə müqayisədə 0,9 faiz çoxalıb. İqtisadiyyatın neft sektorunda istehsal olunmuş əlavə dəyər 1,5 faiz artıb. Sənaye məhsulunun 73,5 faizi isə mədənçıxarma sektorunda istehsal olunub.
Cari il martın 1-nə olan məlumata görə, iqtisadiyyatın neft sektorunda 33,5 min nəfər çalışıb. Neft sektorunda nominal əməkhaqqı 2 min 877,8 manat təşkil edib.
Bölmənin digər xəbərləri
